Txt

Una raccolta di testi più o meno ispirati, tra racconti, rime e fatti di cronaca.

Siculiana non e' un Film set 19, 2008

Notti pi notti, vampati pi la strata,

machini, chioschi, na radiu arrubbata,

a Siculiana li tempi cangiaru,

lu mezzagustu ncumencia a ghinnaru.

Ni stu paisi senza cchiù scantu,

li dilinquenti su jttati a lu sbantu,

ti trasinu intra mentri ca mangi,

"isati li mani e guai a cu chiangi!",

senza pistola, saccu e cazetta,

macari tuppianu, lu capu s'assetta,

mangia cu tia, si piglia u cafè,

senza primura, "tantu cu c'è..."

"li carabinera andura passaru,

vittiru a natri e si nni eru a lu Scaru..

ca ddrà è sempri festa, c'è lustru tutti i siri,

falò a timpesta, ca ti veni lu piaciri..".

Che bellu stu paisi, paremu in Olanda,

drogati, bagasci e na gioventù ca sbanda..

la cinepresa ogni jornu n'arripiglia,

fina ddru Ruoppolu si fa meraviglia.....